Նիստի սկզբում կրթահամալիրի տնօրենը խորհրդի անդամներին ներկայացրեց նոր ընդունված աշխատողներին`Աշխեն Գրիգորյանին և Էլեն Թադևոսյանին, այնուհետև անցավ 2011-2012 ուստարվա ուսպլանների պարզաբանումներին: Անդրադառնալով ուսպլաններում տեղ գտած փոփոխություններին` կրթահամալիրի տնօրենը մասնավորապես ընդգծեց երկու տիպի դասարանների գոյությունը. ծնողի պատվերով ուսուցումը կարող է կազմակերպվել էլեկտրոնային գրատախտակ ունեցող և «Անհատական համակարգիչ- դասընկեր» ծրագիրն ընտրած դասարաններում: Խոսվեց էլեկտրոնային մատենավարության անցման անհրաժեշտության, հիմնական աշխատավարձը ձևավորող միասնական ցուցանիշների մասին: Ներկայացվեցին նաև սովորողի ուսումնառության պայմանագրի նմուշները:
Առաջարկներով հանդես եկավ խորհրդի անդամ Արեգ Գրիգորյանը: Առաջարկները հիմնականում վերաբերում էին ուսպլանների խմբագրական ձևակերպումների հստակեցմանը:
Կրթահամալիրի ուսպլանը սպասարկող էլեկտրոնային և տպագիր ուսումնական բովանդակության ցանկի մասին պարզաբանումներով հանդես եկավ Մարի Գաբանյանը: