Հանրային կապերի և քաղաքացիական կրթության ուսումնական կենտրոնի ղեկավար Վահրամ Թոքմաջյանն առաջարկում է հուլիսի 26-28-ին կրթահամալիրում կազմակերպել հասարակագիտական եռօրյա ճամբար։ Այդ նպատակով.
- Ճամբարի ծրագրի մշակումն ու կազմակերպումը դիտել որպես ուսումնական նախագիծ. նախագծի ղեկավար նշանակել Վահրամ Թոքմաջյանին.
- ընդունել ի գիտություն, որ նախագծին գործընկեր կազմակերպություն է հանդես գալիս «Երկիր Մեդիա» հեռուստաընկերությունը, նրա «Զարթոնքի սերունդ» հեռուստախաղը.
- նախագծի կազմակերպումը, սպասարկումը հանձնել ավագ դպրոցի սովորողներին, շրջանավարտներին (հավելված 1).
- ճամբարի բովանդակության մեջ ներառել հանրակրթական հասարակագիտական դասընթացների ծրագրերի քննարկումներ, դրանց ուսուցման նախագծային-մրցաշարային կազմակերպման հարցերը, փորձի ներկայացում.
- մասնակիցների համար կազմակերպել շախմատի, մարզական, երաժշտական, ժամանցային ընդմիջումներ.
- ճամբարը կազմակերպել Մայր դպրոցում. ճամբարի էլեկտրոնային տարածքը համարել հանրային կապերի և քաղաքացիական կրթության ուսումնական կենտրոնի բլոգը.
- Վահրամ Թոքմաջյանի ներկայացմամբ հաստատել ճամբարի մանրամասն ծրագիրը, աշխատակարգը (հավելված 2), մասնակիցների ցուցակները (հավելված 3).
- մասնակիցների սնունդը կազմակերպել կրթահամալիրի ծախսային ծրագրերի «Վերապատրաստում» ուղղությունից, հուլիսի 25-ին՝ Գեղարվեստի դպրոցում, հուլիսի 26-ին՝ Նոր դպրոցում, ճաշ և սուրճ՝ յուրաքանչյուրին 500 դրամի չափով.
- մարզերից եկող մասնակիցներին Վահրամ Թոքմաջյանի հայտով ընդունել կրթական փոխանակումների Հիմնական դպրոցի կացարանում. կազմակերպել նրանց նախաճաշը և ընթրիքը՝ յուրաքանչյուրին 400-ական դրամի չափով. հյուրընկալության պատասխանատու՝ Թամար Մարիմյան.
- նախագծի կազմակերպչի և սեմինարավար մանկավարժական աշխատողներին կրթահամալիրում սահմանված կարգով նշանակվող լրավճարները հատկացնել օգոստոս ամսվա աշխատավարձի հետ.
- ապահովել նախագծի ամենօրյա լուսաբանումը բլոգում և mskh.am-ում:
Կրթահամալիրի տնօրեն` Ա. Բլեյան