Սեմինարի ընթացքում հերթով անդրադարձանք միջազգային այն ծրագրերին, որոնց մասնակցել է կամ մասնակցում է կրթահամալիրը` դասավանդողների և սովորողների տարբեր խմբերով:
Սեմինարի արդյունքում պարզ դարձավ, որ մասնակցությունը նմանատիպ նախագծերին շատ օգտակար է և հեռանկարային մի քանի տեսանկյունից.
Սեմինարավար Լուսինե Բուշը հատուկ հիշեց նաև Մանկավարժական համալսարանում անցկացված «Լեզուների եվրոպական օր» միջոցառմանը մեր սովորողների տպավորիչ մասնակցության մասին, որտեղ կրթահամալիրը ներկայացվել էր վրացերենով, իսպաներենով, ֆրանսերենով, ռուսերենով, անգլերենով: Արդյունքում հրավեր ստացանք՝ մասնակցելու Վ.Բրյուսովի անվան համալսարանում գիտելիքների գնահատման թեմայով միջազգային սեմինարին:
Լուսինե Բուշը սեմինարին հրավիրել էր միջին դպրոցի սովորողների մի խումբ, որը մասնակցել էր օտար լեզվով ասմունքի մրցույթի և արժանացել չորս մրցանակի՝ գրավելով երեք առաջին և մեկ երկրորդ տեղը: Սովորողները պատմեցին իրենց տպավորությունների մասին և հայտնեցին, որ մայիսի 10-ին հաղթողները մասնակցելու են եզրափակիչ փուլին:
Սեմինարի ավարտին վարժարանի անգլերենի դասավանդողները խնդրեցին իրենց էլ գրանցել միջազգային այդ ծրագրում, իսկ Միջին դպրոցի ծրագրի ղեկավար Մարիետ Սիմոնյանը հարկ համարեց ներառել նաև Միջին դպրոցի ֆրանսերենի և ռուսերենի խմբեր:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
