Թելունց Մերի
7-2 դասարան.
Միջին դպրոց
Այսօր նշում ենք առաջին անգամ մարդ արարածի՝ տիեզերք թռչելու 50 ամյակը: Հոկտեմբերի11-ին Երևանի մի քանի դպրոցներից, այդ թվում` «ՄխիթարՍեբաստացի» կրթահամալիրից, մեծ թվով սովորողներ մեկնեցինք Բյուրական` Յուրի Գագարինի` առաջին անգամ տիեզերք բարձրանալու 50 ամյակը նշելու համար: Սկզբում բարձրացանք աստղադիտարանի դահլիճը, որտեղ Յուրի Գագարինի թռիչքի մասին տեսաֆիլմ դիտեցինք։ Հետո աստղադիտարանի ճաշարանում բոլորս ճաշեցինք և հանգստանալուց հետո ճանապարհ ընկանք դեպի չորս աստղադիտակները: Տարօրինակ չափեր ունեցող, մեզ համար շատ անսովոր սարքեր կային աստղադիտարանում։
Բոլոր աստղադիտարանները հերթով շրջելուց հետո գնացինք Վիկտոր Համբարձումյանի տուն-թանգարան: Այնքան հետաքրիր իրեր կային այդ մեծանուն գիտնականի տանը, տարբեր տեսակի հուշանվերներ և նկարներ։
Երբ կրկին վերադարձանք աստղադիտարանի դահլիճ, այնտեղ մեզ գեղեցիկ անակնկալ էր սպասում: Աստղադիտարանի տնօրենը անձամբ մեզ ՀՀ կրթության և գիտության նախարարության կողմից հավաստագիր, ինչպես նաև Վիկտոր Համբարձումյանի գիտական աշխատատությունների մասին հայերեն և անգլերեն պատմող ուղեցույց հանձնեց։ Դա օրվա ամենագեղեցիկ պահն էր:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
