ՀՐԱՄԱՆ N 15-011
17.01.2015թ.
Հունվարի 19-ին, ժամը 19:00, Երևան` կրթահամալիր է ժամանում Ստեփանակերտի սովորողների-ուսուցիչների խումբը: Ընդունելությունը պատշաճ կազմակերպելու նպատակով.
- ընդունելության պատասխանատու ճանաչել էկո-ակումբին, ղեկավար՝ Մարթա Ասատրյան.
- Ստեփանակերտցի սովորողների երևանյան գիշերակացը և սնունդը՝ հունվարի 19-ի երեկոյան, 20-ի առավոտյան, 22-ի երեկոյան, 23-ին և 24-ի առավոտյան (նախաճաշ, ընթրիք` յուրաքանչյուրին 300-ական դրամի չափով, ճաշ` 500-ական դրամի չափով) կազմակերպել Դպրոց-պարտեզի կրթական փոխանակումների կացարանում, պատասխանատու՝ Տաթև Բլեյան.
- հունվարի 20-22-ը Ստեփանակերտի և կրթահամալիրի սովորողների (ցուցակը՝ հավելված 1-ում) միասնական ուսումնահայրենագիտական արտագնա ճամբար կազմակերպել Ծաղկաձորում.
- հաստատել Ծաղկաձորի եռօրյա միասնական ուսումնական Ճամբարի ծրագիրը (հավելված 2).
- արտագնա ճամբարի մասնակիցների տեղափոխումը, գիշերակացը, սնուդը` սովորողների, ծնողների հաշվին.
- կրթահամալիրից ճամբարին մասնակից սովորողներին պարգևատրել 30,000 դրամով կրթահամալիրի 2015թ. դրամական ծախսերի սոցիալական ֆոնդից.
- ընդունել ի գիտություն, որ արտագնա ճամբարում ուսուցիչների կեցության ծախսերը հոգում է կրթահամալիրի արհեստակցական միությունը.
- Ծաղկաձոր մեկնումը հունվարի 20-ին, ժամը 09.00, Ս. Երրորդություն եկեղեցու մոտից Նիսսան 34 DR 635 պետհամարանիշի ավտոբուսով, վարորդ՝ Գարիկ Առաքելյան (հեռ. 094 60 42 04): Վերադարձը՝ հունվարի 22-ին, ժամը 13.00.
- հունվարի 23-ին կազմակերպել Ստեփանակերտի սովորողների խմբի մասնակցություն երևանյան ճամբարին էկո-հայրենագիտական, ընթերցասերի ակումբային ջոկատների կազմում.
- Ստեփանակերտի խմբի մեկնումը Երևանից՝ հունվարի 24-ին, ժամը՝ 09.00.
- ընդունելության ծրագրի լուսաբանման պատասխանատու ճանաչել մասնակիցներին:
Կրթահամալիրի տնօրեն՝ Ա. Բլեյան