Արդեն հարազատ դարձած մեր սիրելի դպրոցը այս անգամ էլ մեզ ընդունեց բարեհամբույր ժպիտով։ Ծանոթ միջավայրը շատ տրամադրող էր, և աշխատանքային օրն սկսվեց արագ, կազմակերպված: Երևի հենց դա էլ նպաստեց, որ ընդամենը երկու օրում հասցրինք սովորել այն ամենը, ինչի համար ուրիշ պայմաններում երևի երկար ժամանակ անհրաժեշտ կլիներ: Ընկեր Լիլիթը մեզ ուղեկցեց մեր դասասենյակ, որտեղ մեզ էին սպասում դպրոցի սաները`Հռիփսիմեն և Ալեքսանդրիան։ Նրանք մեզ սովորեցրին Facebook սոցիալական ցանցից օգտվելու գաղտնիքները։ Նրանք շատ ընկերական էին, և մեր դասը վերածվեց ընկերական համագործակցության։ Ճաշից հետո մենք մասնակցեցինք ամեն ուրբաթ մարմարյա սրահում տեղի ունեցող միջոցառմանը, որը տևեց 45 րոպե։ Աշակերտներրը իրենց հետաքրքրաշարժ տեսահոլովակներով, երգով և պարով հաճույք պատճառեցին ներկաներին։ Դրանից հետո մենք գնացինք համակարգչային կենտրոն, որտեղ մեզ միացան տղաները՝ Յուրին, Արմանը և Վարդանը։ Նրանք մեզ սովորեցրին, թե ինչպես համացանցում կարելի է փնտրել, անվճար բեռնել ծրագրեր և աշխատել դրանցով: Սովորեցինք հակավիրուսային ծրագրերից օգտվելու կանոնները։ Այնուհետև ամփոփեցինք կատարված աշխատանքների արդյունքները և բաժանվեցինք` էլի հանդիպելու ակնկալիքով։
Շնորհակալություն հյուրընկալության համար։
Սարգսյան Մանե և Ներսիսյան Մանե