2014-2015 ուսումնական տարի
Սովորողների տեղափոխման կազմակերպումը կրթահամալիրում
Կրթահամալիրում սովորողների ամենօրյա միասնական տեղափոխումը հաստատված երթուղիներով կազմակերպվում է դպրոցների ծնողական խորհրդի կողմից։ Ծառայությունը համակարգում է կրթահամալիրի տնօրենի գրասենյակը (Լուսինե Մամիկոնյանը)։ Ծառայությունը կազմակերպվում է համակարգողի և վարորդի միջև կնքված պայմանագրով։ Վարորդը.
- ծանոթ է սովորողների փոխադրման կարգին և աշխատում է դրա համաձայն.
- մեքենայի մեջ չի ծխում, ոչ ծրագրային երաժշտություն չի միացնում.
- որևէ պատճառով ծառայություն մատուցելու անհնարինության դեպքում կազմակերպում է փոխարինումը այլ մեքենայով կամ վարորդով և այդ մասին նախօրոք (առնվազն կես ժամ առաջ) տեղեկացնում երթուղու պատասխանատուին և ծառայությունը համակարգողին:
Կրթահամալիրի միասնական տեղափոխման երթուղու պատասխանատու կարող է լինել կրթահամալիրի աշխատողը, ծնողը, քոլեջի կամ ավագ դպրոցի սովորողը: Պատասխանատուի բացակայության դեպքում նրան փոխարինում է երթուղուց օգտվող այլ աշխատող կամ վարորդը:
Պատասխանատուն պարտավոր է.
- ունենալ ծառայության համակարգողի, ծրագրերի և գրասենյակների ղեկավարների, վարորդի, երթուղուց օգտվողսովորողների, նրանց ծնողների հեռախոսահամարները
- կատարել երթուղուց օգտվող սովորողների ամենօրյա հաշվառում, ամսվա վերջում տեղեկությունները հանձնել տնօրենի գրասենյակ.
- անհրաժեշտության դեպքում հավաքագրել վարձավճարները, հանձնել տնօրենի գրասենյակ, կտրոնը տրամադրել ծնողին. հետևել, որ բոլոր սովորողները նստեն մեքենա, տեղավորվեն, հասնելուն պես սովորողին հանձնել տվյալ դպրոցի պատասխանատուին.
- երթուղում արտակարգ պատահարի դեպքում անմիջապես տեղեկացնել ծառայության համակարգողին.
- սովորողի ժամանակին չներկայանալու դեպքում արագ պարզե լուշացման կամ բացակայության պատճառը.
- սովորողին վերաբերող խնդիրների (ուշացում, առանց զգուշացման բացակայություն, անկարգապահություն, …) մասին օրվա ընթացքում տեղեկացնել դպրոցի ղեկավարին.
- սովորողների միջոցով կրթահամալիրի կայքին տեղեկություններ տրամադրել երթուղու մասին(ամսական առնվազն մեկ անգամ).
- հետևել վարորդի պարտականությունների կատարմանը և խախտումների դեպքում տեղեկացնել ծառայության համակարգողին:
Ծնողը պարտավոր է.
- ապահովել երեխայի ներկայությունը նախապես պայմանավորված տեղում և ժամին.
- ուշանալու դեպքում իրականացնել երեխայի տեղափոխումը.
- նախապես(30 րոպե առաջ) զգուշացնել երեխայի բացակայության մասին վարորդին կամ երթուղու պատասխանատուին.
- երեխայի փոխադրման ամսական վարձը մինչև տվյալ ամսվա5-ը վճարել դպրոցի գրասենյակ անձամբ կամ երթուղու պատասխանատուի միջոցով։
Սովորողների տեղափոխումը ուսումնական-հայրենագիտական ճամփորդությունների, արշավների ժամանակ կազմակերպվում է կրթահամալիրի տնօրենի հրամանով։
Կրթահամալիրի սովորողներին տեղափոխող տրանսպորտային միջոցը ուսումնական տարածք է` կրթահամալիրի ցուցանակներով. այստեղ գործում են կրթահամալիրի ներքին կարգապահական կանոնները։