Այսօր Գեղարվեստի դպրոցի պարասրահում տեղի ունեցավ արտասովոր մի պարային սեմինար, որի նշանաբանն է` «Պար առանց սահմանների»: Սեմինարը կազմակերպել էր Բրիտանական Խորհրդի Հայաստանյան մասնաճյուղը, իսկ պարուսույցները "Candoco Dance Company"-ի մասնագետներ Պեդրո Մաչադոն և Վիկին էին: Նրանք սեմինարի մասնակից դասավանդողներին սովորեցրեցին մի քանի պարային շարժումների տեսակներ, որոնք օգնում են պարի մեջ ներգրավել կրթական հատուկ կարիքներ և շարժողական խանգարումներ ունեցող սովորողներին, ցույց տվեցին վարժություններ, որոնց միջոցով կկարողանանք օգնել նման սովորողներին կառավարել իրենց մարմնի շարժումները:
Ինձ համար այդ ամենը շատ անսովոր էր, բայց միաժամանակ` շատ հետաքրքիր: