Սեմինարավար` Նունե Մովսիսյան
Նախագծային աշխատանքները այսօր էլ շարունակվեցին, հետազոտական աշխատանք էինք կատարում, փնտրում էինք Վիլյամ Սարոյանի առակները, որոնք հասանելի կլինեն կրտսեր դպրոցի սովորողների համար: Նորից խմբերի բաժանվեցինք, թարգմանիչները թարգմանում էին, հոգեբանը` վերլուծում հոգեբանական տեսանկյունից, դասվարներն էլ փորձում էին հիմնավորել առակների ընտրությունը: Քննարկեցինք և հասկացանք, որ տարբեր դասարաններում առակների ուսուցումը կկատարվի յուրովի, առաջին դասարանում Սարոյանի առակները կարող են կազմված լինել սովորողների նկարած նկարներից, բարձր դասարաններում սովորողները կարող են առակներից դուրս գրել թևավոր խոսքեր: Սեմինարների ավարտին նախատեսվում է ստեղծել Վիլյամ Սարոյանի առակների մեդիափաթեթը, իսկ որպես նախագծի արդյունք կարող են լինել դասարանում կամ տանը սովորողների կողմից պատրաստված տեսաֆիլմերը, թատերական ներկայացումները, կավով պատրաստված կերպարները, կայքում հրապարակված ուսումնական նյութերը, խնդրագրքերը, paint-ով արված նկարները…
Աշխատանքները շարունակվում են:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
