Այսօր տեղի ունեցավ ուսումնական ամռան մայրենիի վերջին սեմինար պարապմունքը: Օրվա թեման 2013-2014 ուստարվա ուսումնական օրացույցով որոշված ուսումնական նախագծի համակարգման-ղեկավարման հայտերի ներկայացումն էր, սեմինարավարը՝ Հասմիկ Թոփչյանը: Նունե Մովսիսյանն ու Հասմիկ Թոփչյանը նեկայացրին տոնացույցով սահմանված «Շարլ Ազնավուր -90» նախագիծի իրենց հայտը: «Մայրենիի միջազգային օր» նախագծի ղեկավարման իր հայտը ներկայացրեց Հասմիկ Ղազարյանը: Մարինե Ամիրջանյանն էլ ներկայացրեց «Դանիել Վարուժան» նախագծի ղեկավարման իր հայտը: Սեմինարի երկրորդ մասում քննարկվեց 2013-2014թթ. մայրենիի ամենշաբաթյա մեթոդական պարապմունքների բովանդակությանը ու կազմակերպմանն առնչվող հարցեր: Քննարկումը շատ բուռն անցավ, եղան տարբեր առաջարկություններ՝ կազմակերպել մանկավարժական հոդվածների քննարկումներ, տոնացուցային նախագծերի իրականացումից հետո անցկացնել ամփոփումներ, ներկաները խոսեցին նաև աշնանային դպրոցի սեմինարների անցկացման հայտերի ներկայացման շուրջ: Ուսումնական ամառն ավարտված է, բայց նոր ուսումնական տարվան ուղղված նախապատրաստական աշխատանքները շարունակվում են:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
