Գեղարվեստի դպրոցում շրջելուց հետո մեր հյուրերը՝ Ինթելի ներկայացուցիչն ու Յունիքոմպի տնօրենը այցելեցին նաև գրադարան, որտեղ նրանց ներկայացրինք կրթահամալիրի կայքը և դրա բոլոր ենթակայքերը: Ժաննա Հակոբյանը ներկայացրեց մեր կայքի ռուսերեն բաժինը: Ինթելի ներկայացուցիչները մեր դպրոցում շրջելու ընթացքում մի քանի նոր մտահղացումներ ունեցան, որոնք շուտով կներկայացնեն մեզ:
Մինչ մենք թողարկում էինք այս նյութը, Գրիգորյան Աիդան ներկայացրեց մեր կայքի անգլերեն բաժինը, իսկ հետո՝ նաև իր ուսումնական բլոգը: Հետո հերթն արդեն վրացերեն բաժնինն էր, որը ներկայացրին ընկեր Ռինան և Լիլիթ Գրիգորյանը:
Ներկայացրինք նաև մեր Դպիր ամսագիրը, որը հրապարակվում է 2006 թվականից և արդեն ունի 70 համար: Ինթելի ներկայացուցիչներից մեկը մեզ ներկայացրեց իրենց կայքը, և նշեց, որ կուզենա, որ մեր ուսուցիչներն էլ մասնակցեն կայքում ընթացող քննարկումներին և իրենց փորձով կիսվեն նաև ռուս ուսուցիչների հետ: Վերջում Տիար Բլեյանը հյուրերին նվիրեց «Մշակույթ անիվների վրա» նախագծի սկավառակը: Ինթելի ներկայացուցիչները նշեցին, որ շատ զարմացած և հիացած են մեր՝ սովորողների և ուսուցիչների ակտիվությամբ և ստեղծագործական մտահղացումներով:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
