Վաղը, երկարատև ընդմիջումից հետո, վերսկսվում է «Ազատ խոսքի ամբիոն» ակումբի կողմից անցկացվող դասավանդողների բանավեճի անհատական առաջնությունը: Նշենք, որ տեղի ունեցած քառորդ եզրափակիչների արդյունքներով կիսաեզրափակիչ զույգեր են կազմել ՝ Արտակ Զարգարյան - Վահրամ Թոքմաջյան և Արմեն Մարտիրոսյան - Աշոտ Տիգրանյան զույգերը: Վաղը կբանավիճեն Արտակ Զարգարյաը և Վահրամ Թոքմաջյանը: Բանավեճի թեման՝ հանրային և քաղաքական շրջանակներում տարաբնույթ մեկնաբանություններ և հակասություններ առաջացնող թեմա է՝ ՀՀ արտաքին քաղաքական օրակարգում ցեղասպանության հարցի պահպանման նպատակահարմարությունը: Նշենք, որ բանավեճը ուսումնական է և նպատակ ունի սովորողներին՝ որպես ՀՀ ապագայի երաշխավորների, համակողմանիորեն ծանոթացնել Հայոց ցեղասպանության ճանաչման գործընթացում ՀՀ առջև կանգնած մարտահրավերներին և առաջացած խնդիրներին, ուստի ակնկալում ենք սովորողների ակտիվ և գործուն մասնակցությունը: Բանավեճը կանցկացվի Ավագ դպրոցի ակումբում, մեկնարկը՝ 13:00-ին:
Հ.Գ. Բանավեճը իրազեկված, արտոնված է և ի գիտություն է ընդունվել ՃՊ Մարիամ Աբովյանի կողմից: