<<Մխիթար Սեբաստացի>> կրթահամալիրը մեզ ապշեցրեց իր արտասովորությամբ: Նախևառաջ առաջին օրերին մենք շատ զարմացանք տեսնելով, որ դասարանները ստանդարտ չէին, այլ դրանք հիանալի տեխնոլոգիայով կահավորված լսարաններ էին, որոնք մեզ ապշեցրին իրենց թափանցիկությամբ:
Այս դպրոցում բացված ամեն մի օրը մեր առջև բացեց նոր, հրաշալի աշխարհ: Իսկ ուսուցիչների և աշակերտների բարեհամբույր վարքը մեզ թույլ տվեց, որպեսզի ավելի ինքնավստահ լինենք և չընկճվենք:
Մինչ աշխատանքների սկսելը, մենք շատ էինք անհանգստանում, մտածում էինք` արդյոք կհասնենք որևէ արդյունքի: Բայց այս բոլոր մտավախությունները անհետացան, երբ սկսեցինք աշխատել երեխաների հետ:
Ժամանակը անցնում էր, և մենք ձեռք էինք բերում մեծ փորձ: Երբ տեսնում էինք մեր կատարած աշխատանքի գուցե և փոքր, բայց կարևոր ձեռքբերումները, մենք ավելի էինք ոգևորվում և փորձում էինք մեր պարապմունքները երեխաների համար դարձնել հետաքրքիր:
Այսպիսով, ցավով ենք նշում, բայց ավարտին մոտեցավ մեր պրակտիկան: Մենք ունեցանք ձեռքբերումներ, հաջողություններ, հասանք մեր ուզած արդյունքներին, ձեռք բերեցինք մեծ փորձ, որտեղ իր մեծ ներդրումն ունեցավ ընկեր Աննան, որին շնորհակալ ենք ամեն ինչի համար: Նա մեզ շատ էր օգնում` կիսվելով իր մասնագիտական գիտելիքներով ու հմտություններով:
Մենք բոլորս շատ ուրախ ենք, որ մեր պրակտիկան անցկացրեցինք <<Մխիթար Սեբաստացի>> կրթահամալիրում, քանի որ այն մեր առջև բացեց նոր դռներ և մի նոր լուսավոր աշխարհ: Այս ամենից հետո մենք կփորձենք ավելի լավ հմտանալ մեր մասնագիտության մեջ և հասնել բարձունքների:
Շնորհակալություն ենք հայտնում պարոն Բլեյանին, ընկեր Աննային, ընկեր Նառային, ընկեր Անահիտին և բոլոր բոլորին:
ԵՊՄՀ լոգոպեդիա բաժնի 3-րդ կուրսի ուսանողուհիներ` Նինա Հովհաննիսյան, Անահիտ Մարգարյան, Ադելաիդա Մաղաքյան, Լուսինե Գրիգորյան, Լիանա Աբնուսյան, Նարինե Սողբաթյան, Գոհար Մկրտյան:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
