Մենք`ՀՊՄՀ Հատուկ կրթության ֆակուլտետի լոգոպեդիա բաժնի ուսանողուհիներս, մեր մանկավարժական պրակտիկան (ապրիլի 2 - մայիսի 3) անցկացրեցինք «Մխիթար Սեբաստացի» կրթահամիլիրում: Պրակտիկայի ընթացքում ձեռք բերեցինք լոգոպեդական հմտություններ` երեխաների հետ թե' անհատական և թե' խմբային աշխատանքներում: Ունեցել ենք մասնագիտական քննարկումներ` ուղղված անհատական և խմբային պարապմունքների կազմակերպմանը և նրան, թե ինչպես համագործակցել դասավանդողների հետ ու ապահովել մասնագիտական խորհրդատվություն:Քննարկումների ժամանակ կարևորվել են նաև երեխաների սոցիալական ադապտացիայի խնդիրները:
Մեր պրակտիկայի ղեկավար Սուսաննա Դավթյանի հետ մշակեցինք և իրականացրեցիքնք երկու նախագիծ` «Լոգոպեդական խմբային աշխատանքներ պարտեզում» և «Խաղերի պատրաստում»: Առաջին նախագծի նպատակն էր խոսքի, արտաբերական ապարատի շարժունակության, մատների նուրբ տարբերակված շարժումների զարգացումը և հնչարտաբերման խնդիրների կանխարգելումը: Երկրորդ նախագիծն իրականացրեցինք ուղղակիորեն մեր ձեռքերով` պատրաստեցինք զարգացնող խաղեր, որոնք դպրոցում կկիրառվեն հետագա աշխատանքների ժամանակ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
