Ապրիլի հինգին մենք այցելեցինք «Մխիթար Սեբաստացի» կրթահամալիր: Մեզ դիմավորեցին մեծ սիրով, հայտնվեցինք մի ուիրիշ մոլորակում, որտեղ անսովորը համատեղվում է սովորականի հետ: Մեզ ուղեկցում էր տիկին Մելքոնյանն իր սաների հետ: Նրանց հետ գնացինք Սուրբ Երրորդություն եկեղեցի:
Բարձր տրամադրությամբ շարունակեցինք մեր երթը դեպի Արհեստների դպրոց, այնտեղ մեզ բախտ վիճակվեց մեր երևակայությունը փոխանցել կավին: Մեր այցելության հաջորդ կանգառը կրտսեր դպրոցն էր, որտեղ շատ հետաքրքիր էր դասավանդման պրոցեսը. աշակերտները աշխատում էին էլեկտրոնային գրատախտակներով, նրանք շատ ակտիվ էին: Մենք շատ տպավորված էինք ուսուցիչ-աշակերտ փոխհարաբերություններով, նրանք շատ անմիջական էին, սիրալիր:
Հաջորդ կանգառը Ավագ դպրոցն էր, որտեղ մենք մասնակցեցինք «Մեդիա ուրբաթին», կցանկանայինք նման միջոցառում կազմակերպել մեր դպրոցում:
Ճիշտ է եղանակը անբարենպաստ էր, բայց դա մեզ չխանգարեց, և մենք ուղևորվեցինք Եղիշե Չարենցի տուն-թանգարան և Գրիգոր Խանջյանի, Հակոբ Հակոբյանի թանգարանները: Երեկոյան վերադարձանք հյուրատուն: Առավոտյան արթնացանք շատ վաղ, նախաճաշեցինք, այնուհետև սովորեցինք պարել, որից հետո գնացինք մայր դպրոց և մասնակցեցինք ապրիլի 7-ին նվիրված տոնակատարությանը:
Շատ անմոռանալի օրեր անցկացրինք, կարծես հայտնվել էինք հեքիաթային մի աշխարհում, և հեքիաթի հերոսները մենք էինք: Մենք շատ լավ էինք զգում և կուզենայինք, որ այդ հեքիաթը երբեք չավարտվեր:
Շնորհակալություն…
Սիլո Կարապետյան
Վայոց Ձոր, գյուղ Մարտիրոս
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
