Հաջողության հասած գիտնականների հետ զրուցելիս պարզվում է, որ գիտնականին հաջողության հասնելու համար միայն գիտելիքը դեռ բավարար չէ: Երիտասարդ գիտնականին անհրաժեշտ են օրինակ ճարտասանական հմտություններ՝ գիտաժողովներին պատշաճ կերպով ներկայանալու, ազդեցիկ ու հետաքրքիր խոսելու, ելույթ ունենալու, հարցազրույցներ տալու համար:
Ինքնաներկայացումից բացի երիտասարդ գիտնականների մեր օրերում անհրաժեշտ են նաև դրամաշնորհային նախագծերի դիմելու հմտություններ, նախագիծը ճիշտ ձևակերպելու, ճիշտ ներկայացնելու համար: Այս ամենին անհրաժեշտ է հավելել նաև հաջողության հասած մարդկանց խորհուրդները երիտասարդ գիտնականի արդյունավետության, բանակցային կարողությունների, կառավարչական հմտությունների վերաբերյալ:
Սույն կարճ դասընթացի շրջանակում կկազմակերպվեն.
Ա. Գործնական դասեր ճարտասանության, բանակցությունների, դրամաշնորհի դիմելու հմտությունների վերաբերյալ,
Բ. Հանդիպումներ հաջողության հասած գիտնականների հետ,
Գ. Հանդիպում դրամաշնորհատու կազմակերպության ներկայացուցիչների հետ:
Ծրագիրը կազմակերպում է Երիտասարդ առաջնորդների դպրոցը՝ Երիտասարդ գիտնականների աջակցման ծրագրի ու Հայաստանի երիտասարդական հիմնադրամի աջակցությամբ
Անցկացման ժամանակացույցը՝ հունվարի 20-30