Այսօր՝ դեկտեմբերի 13-ին, մեզ են հյուրընկալվել Գյումրիի թիվ 8-րդ դպրոցի 4 ուսուցիչներ ու 13 աշակերտներ: Հյուրերին դիմավորեցինք Սուրբ Երրորդություն եկեղեցու բակում, այցելեցինք և ծանոթացրինք եկեղեցուն, այնուհետև շարժվեցինք մեդիակենտրոն, որտեղ տիար Բլեյանը խոսեց կրթահամալիրում ծավալվող գործունեության մասին ու պատասխանեց հյուրերի հարցերին: Ընկեր Վահրամն ու հյուրընկալողները ներկայացրին կրթահամալիրում իրականացվող ակումբային գործունեությունը: Սովորողներն իրենց հերթին խոսեցին ակումբների մասին:
Այնուհետև հյուրերը եղան աստղացուցարանում: Մեդիակենտրոնից հետո Գյումրիից ժամանած մեր հյուրերը գնացին նաև Գեղարվեստի դպրոց, որտեղ ծանոթացան սովորողների աշխատանքներին:
Այժմ մեր հյուրերը գտնվում են Մայր դպրոցի ընթերցասրահում, որտեղ սկզբում ծանոթացան գրքերի թվայնացման գործընթացին: Իսկ այժմ Հերմինե Անտոնյանն ու Նունե Մովսիսյանը ծանոթացնում են մեր Smart սարքավորումներին: