Կրթահամալիրի, դպրոցի, դասարանի, խմբի, սովորողի ուսումնական գործունեության, ուսումնական պարապմունքի արդյունավետության գնահատման էլեկտրոնային համակարգի ամբողջացման նպատակով.
- պարտադիր համարել, որ.
սկսած 1-ին դասարանից` սովորողները օգտվեն իրենց էլփոստի օրագրերից.
մինչև դեկտեմբերի 1-ը կրթահամալիրի յուրաքանչյուր սովորող` սկսած 7-րդ դասարանից ունենա անձնական բլոգ և իր ուսումնական աշխատանքը ներկայացնի այնտեղ. դեկտեմբերի 2-ին դպրոցների ենթակայքերում ավարտել սովորողների բլոգների հղումների տեղադրումը.
4-6-րդ դասարաններում խրախուսել սովորողի ուսումնական բլոգի ստեղծումը և վարումը` նկատի ունենալով, որ երկրորդ կիսամյակից դա լինելու է պարտադիր յուրաքանչյուրի համար.
- հաստատել գնահատման միասնական էլեկտրոնային մատյանների տեսակները և դրանց վարման կարգերը.
2-4 տարեկանների գործունեության գնահատման մատյան.
5 տարեկանների մատյան.
1-ին դասարանի մատյան.
2-3-րդ դասարանների մատյան.
4-րդ դասարանների մատյան.
5-6-րդ դասարանների մատյան.
7-9-րդ դասարանների մատյան.
10-12-րդ դասարանների հանրակրթական դասընթացների մատյան.
10-12-րդ դասարանների, քոլեջի մոդուլային դասընթացների գնահատման մատյան.
երկարօրյա ուսուցման խմբերի մատյան.
- միասնական էլեկտրոնային մատյանները գործածության մեջ դնել նոյեմբերի 19-ից.
- կրթահամալիրի գնահատման ծառայության ղեկավարի ներկայացմամբ նոյեմբերի 19-ին հաստատել «Գնահատումը «Մխիթար Սեբաստացի» կրթահամալիրում» կարգը, որտեղ արտացոլված կլինեն մատյանների վարման կարգերը:
Կրթահամալիրի տնօրեն՝ Ա. Բլեյան
