Այսօր Ստեփանակերտի թիվ 2 դպրոցում մեկնարկեց «Նոթբուքնի ինձ դասընկեր»ծրագրով Ստեփանակերտի և Շուշիի դպրոցների 125 ուսուցիչների վերապատրաստումը:
Հինգ աշխատանքային խմբերում օրը սկսվեց ծանոթությամբ: Սկզբում լսեցինք նրանց. Ուսուցիչներն ունեին բազմաթիվ հարցեր, անհանգստություններ, մտավախություններ: Նրանք չեն պատկերացնում, թե ինչպես պետք է դասի ժամանակ օգտագործեն իրենց սովորողների ձեռքին եղած նեթբուքները:
Հետո մենք ներկայացանք, ներկայացրինք «Նոթբուքնի ինձ դասընկեր» ծրագիրը, կրթահամալիրի փորձը, պատմեցինք կրթահամալիրի մասին, ծանոթացրինք Դպիր ամսագրին, Տիգրան Հայրապետյան գրադարանին, ենթակայքերին:
Նրանք ոգևորվեցինք ու անցան գործի. այս պահին երեք խմբերում խիստ աշխատանքային մթնոլորտ է: Ուսուցիչները ստեղծում են իրենց առաջին էլեկտրոնային հայերեն, ռուսերեն և անգլերեն էջերը, իսկ երկու խումբը տիկին Մարինեի հետ սովորում է ստեղծել կարաոկեներ:
Վերապատրաստման մասին հետաքրքրվողներն էլ քիչ չէին. Այստեղ էին Արցախի Հանրային հեռուստաընկերության լրագրողական խումբը, Արցախի «Լուսարար» թերթի թղթակիցը, ԼՂՀ ԿԳ նախարարության աշխատակազմի ղեկավար Էրիկ Գրիգորյանը:
Շարունակելի