ՀՀ ԿԳՆ «Երևանի «Մխիթար Սեբաստացի» կրթահամալիր» ՊՈԱԿ-ը և Վրաստանի Հանրապետության Սամցխե-Ջավախեթիի Նինոծմինդայի Գանձա գյուղի Շոթա Ռուսթավելու անվան թիվ 2 դպրոցը իրականացնում են գործընկերություն՝ համաձայն 2012թ. Սեպտեմբերի 21-ին կնքած ուսումնակրթական պայմանագրի: Դպրոցի տնօրեն Սարգիս Դուրգարյանի հրավերով Ավագ դպրոց-վարժարանի և Գեղարվեստի ավագ դպրոցի սովորողների և ուսուցիչների խումբը 2012թ. հոկտեմբերի 23-26-ին հյուրընկալվում է Գանձա գյուղում: Այդ նպատակով.
- հաստատել այցի մասնակից սովորողների և ուսուցիչների կազմը (հավելված 1).
- խմբի ղեկավար նշանակել հայոց լեզվի և գրականության ուսուցիչ Թամար Ղահրամանյանին, օգնական՝ տեխնոլոգիայի ուսուցիչ Տաթև Թամազյանին.
- խմբի մասնակից սովորողներին «Փորձարարական մանկավարժական ծրագրերի իրականացում հանրակրթությունում» ծրագրի միջոցներից` որպես մեդիաօլիմպիադայի մրցանակ, հատկացնել 6.000-ական դրամով (ընդամենը 60.000 դրամ).
- մասնակիցների գիշերումը և սնունդը՝ հյուրընկալող կողմի հաշվին, Գանձա գյուղի դպրոցի սովորողների տանը, տեղափոխումը՝ մասնակիցների հաշվին.
- խմբի մեկնումը` հոկտեմբերի 23-ին, ժամը 8:00, Սուրբ Երրոդություն եկեղեցու մոտից, 70 ՍՕ 727 պետհամարանիշի Ford մակնիշի միկրոավտոբուսով, վարորդ՝ Պետրոս Գևորգյան (հեռ. 091 71 33 65), վերադարձը՝ հոկտեմբերի 26-ին.
- Այցի ընթացքը մանրամասն լուսաբանել, արդյունքները ներկայացնել mskh.am կայքում.
- Գրադարանին՝ խմբի ղեկավարի հայտով հատկացնել գրքեր Գանձա գյուղի դպրոցականների համար, անհրաժեշտ թվային միջոցներ և այլ պիտույքներ.
- հրամանին անհատապես ծանոթացնել մեկնող սովորողների ծնողներին:
Կրթահամալիրի տնօրեն՝ Ա. Բլեյան