Նկատի ունենալով, որ.
- ՀՀ ԿԳՆ պատվերով (պետական աջակցության պայմանագիր) կրթահամալիրում իրականացվող «Փորձարարական մանկավարժական ծրագրերի իրականացում հանրակրթությունում» ծրագրի 2012թ. բովանդակությամբ որոշված է կրթահամալիրում էլեկտրոնային մատենավարության ամբողջական ներդրումը (պետական աջակցության թ. Ա-6/18-12 պայմանագրի հավելված, կետ 2).
- սովորողների օրինական ներկայացուցիչների հետ կնքված ուսումնառության պայմանագրերով (կետ4) նախատեսված են Սովորողի ուսումնական գործունեության մասին ամբողջական ամենօրյա տեղեկատվությունը համացանցի միջոցով և սովորողի էլեկտրոնային անձնական գործը.
- կրթահամալիրի դպրոցներում, քոլեջում գործում են համակարգչով, պրոյեկտորով, էլ. գրատախտակով կահավորված կաբինետները, ուսուցիչները ուսումնական պարապմունքի են գալիս անձնական նոթբուք-նեթբուքով, բոլոր սովորողները, ուսուցիչները տանն ունեն ինտերնետին միացված համակարգիչ.
- 2011-2012 ուսումնական տարում էլեկտրոնային մատենավարության ամբողջական ներդրման ուղղությամբ արվել է բավարար աշխատանք, մշակվել, քննարկվել են վարման կարգերը, թղթային մատյաններին զուգահեռ` փորձարկվել են սովորողների հաճախումների և ուսումնական գործունեության արդյունքների գրանցման էլեկտրոնային մատյանները, դպրոցներում ստեղծվել են սովորողների մասին տեղեկությունների էլեկտրոնային բազաներ.
- կրթահամալիրում՝գրադարանի կազմում ստեղծվել է «Կրթահամալիրի ֆոնդ և արխիվ» ստորաբաժանումը.
- ավելորդ ու ծախսատար է տպագիր և էլեկտրոնային մատենավարության միաժամանակ վարումը.
հրամայում եմ.
- կրթական ծրագրերի կենտրոնի ներկայացմամբ հաստատել «Էլեկտրոնային մատենավարություն. փաստաթղթերի վարման, տրման, տեղեկանքների և փաստաթղթերի պատճենների տրման մասին կարգը».
- «Կրթահամալիրի ֆոնդ և արխիվում» ստեղծել կրթահամալիրի, աշխատողների, սովորողների անձնական գործերի ֆոնդը, ֆոնդի և արխիվի ղեկավար նշանակել Մարգարիտ Հարությունյանին.
- կրթահամալիրի տնօրենի գրասենյակի ղեկավարին, կադրերի տեսուչին, դպրոցների, քոլեջի գրասենյակների ղեկավարներին հանձնարարել սահմանված կարգով կրթահամալիրի ֆոնդ հանձնել պահպանման ենթակա փաստաթղթերը.
- մասնագիտական զարգացման ծրագրի ղեկավարի ներկայացմամբ հաստատել ֆոնդի, դպրոցների, քոլեջի գրասենյակների ղեկավարների ամենշաբաթյա ուսումնական պարապմունքների (սեմինարների) ծրագիրը և ժամանակացույցը. սեմինարի պատասխանատու` ԼիլիթԱզիզխանյան.
- 2012-2013 ուսումնական տարվա սեպտեմբերի 1-ից գործածության մեջ դնել կրթահամալիրի դպրոցների, քոլեջի դասարանների, կուրսերի, խմբերի էլեկտրոնային մատյանները.
- կրթահամալիրի տնօրենի, դպրոցների, քոլեջի գրասենյակներում ստեղծել 2012-2013 ուստարվանից վարվող նորմատիվ փաստաթղթերի էլեկտրոնային մատյանները և սովորողների անձնական գործերը.
- սեպտեմբերի 27-28-ին կրթահամալիրում իրականացվող մանկավարժական ծրագրերի ամենամյա 7-րդ բաց հավաքում փորձաքննության ներկայացնել էլեկտրոնային մատենավարության ամբողջական կիրառումը.
- 2012թ. սեպտեմբերից ամբողջական էլեկտրոնային մատենավարության անցնելու մասին տեղեկացնել ՀՀ ԿԳՆ նախադպրոցական, հանրակրթության, նախնական մասնագիտական (արհեստագործական) և միջին մասնագիտական կրթության վարչություններին, ՀՀ կրթության պետական տեսչությանը, Երևանի կրթության վարչությանը` անհրաժեշտության դեպքում նրանց մասնագետներին ցույց տալով էլեկտրոնային մատյանների միջոցով դպրոցների աշխատանքին հետևելու հնարավորությունը.
- Էլեկտրոնային մատենավարության արդյունքների մասին գրավոր տեղեկանք ներկայացնել վարչական խորհրդին և սահմանված կարգով` «Փորձարարական մանկավարժական ծրագրերի իրականացում հանրակրթությունում» ծրագրի հաշվետվության մեջ.
- հրամանի մասին անհատապես տեղեկացնել կրթահամալիրի աշխատողներին, սովորողներին և ծնողներին:
Կրթահամալիրիտնօրեն՝ Ա. Բլեյան