Դեռևս ամիսներ առաջ չէի ուզում ավարտել, թողնել արդեն հարազատ դարձած դպրոցը, ընկերներիս, ուսուցիչներիս: Որտեղ եմ սովորելու, ինչ մասնագիտություն եմ ընտրելու…
Սեպտեմբերի մեկ ու արդեն նոր դպրոց, նոր միջավայր, նոր ծանոթություններ: Այ քեզ յուրահատուկ սեպտեմբերի մեկ: Արդեն գիտեի, որ այդ օրը կրթահամալիրցիների համար ճամփորդական է, և հատկապես շատ ուրախացա, երբ ընկեր Ասատրյանը, կամ ինչպես դուք եք նրան ճանաչում` ընկեր Մարթան ինձ ասաց, որ միանամ իրենց խմբին Աժդահակ լեռը բարձրանալու համար: Դա իհարկե անսովոր առաջակ էր ինձ համար, բայց ես մեծ ոգևորությամբ արդեն առավոտյան ժամը յոթին կրթահամալիրում էի:
Սա ինձ համար մի նոր աշխարհ էր, որը հետաքրքիր էր, յուրօրինակ: Երբեք չէի ունեցել նման ինքնատիպ ճամփորդություն, բարձրանում էինք բլուրներով, քայլում էինք ու քայլում քարքարոտ ճանապարհներով: Այնքան հետաքրքիր են այս սեբաստացիները` պարում են, երգում, կատակում, խաղում, կարծես այդ դժվարությունները նրանց համար չէին:
Հիանալի օր անցկացրեցի, ուրախ եմ, որ այսուհետ ես էլ եմ Սեբաստացի…
Ավագ դպրոց - վարժարան 10-րդ դասարան Ստեփանյան Արմեն
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
