Ինձ կրթահամալիրցի զգացի

 Ուսումնական ճամփորդության նպատակն էր ծանոթացնել հայրենի երկրի տեսարժան վայրերին: Ծաղկաձորում կազմակերպվեցին տարբեր միջոցառումներ, խաղեր, եղանք տեսարժան վայրերում: Ուսուցիչները հոգատարությամբ էին շրջապատել բոլորիս: Այնտեղ չկային «յուրայիններ» և «օտարներ»: Ես ինձ այնքան հարազատ էի զգում կրթահամալիրի սաների միջավայրում, որ եթե հնարավոր լինի, կշարունակեմ մասնակցել այն մրցույթներին, որոնք կազմակերպում է «Մ. Սեբաստացի» կրթահամալիրը: Շատ էի լսել, բայց մեկ անգամ տեսնելով միայն համոզվեցի: Ինձ կրթահամալիրցի զգացի այն ժամանակ, երբ սովորողների հետ բաժանեցի գրքեր: Միասին ակտիվ հանգիստ ունեցանք, վայելեցինք ժամանակը: Բարձր տրամադրությամբ վերադարձա տուն՝ իմաստավորելով կյանքիս հերթական օրը:

 Շնորհակալ եմ կազմակերպիչներին՝ նման գեղեցիկ ու ոգևորիչ միջոցառումներ նախաձեռնելու համար: