Առողջարանագետ, պրոֆեսոր Ջիվան Շմավոնյանի անվան «Հանքավան» առողջարանը գտնվում է դեպի Հանքավան տանող ճանապարհի 27-30 կմ –ում: Այն սովետների ժամանակ կառուցված ութհարկանի հսկա մի շինություն է Ա և Բ մասնաշենքերով, կից կառույցներով, ֆուտբոլի և բասկետբոլի դաշտերով: Շենքի` ոչ այնքան հրապուրիչ սենյակների բացը լրացնում է շրջապատի հրաշալի բնությունը, լեռնալանջերին ձգվող անտառը, հանգստի հաճելի, խնամված գոտիները և անմահական օդը: Սենյակներում սանհանգույցը նորմալ է, կա տաք ջուր: Հանքավանում անձրևները հաճախադեպ են, առավոտյան և երեկոյան ժամերին եղանակը ցրտում է, հանգստացողների համար տաք հագուստներն ուղղակի անհրաժեշտություն են: Առողջարանից 3 կմ հեռավորության վրա` Հանքավան գյուղի մոտ, կան ֆերզիտի հանքային փոշով հարուստ առողջարար տաք ջրեր, որտեղ լողանալը ուղղակի երանություն է: Դրանք վճարովի ավազաններ են, չմոռանաք վերցնել լողազգեստները: Սնունդը նորմալ է, լավ են կերակրում: Կարծում եմ գոհ կմնաք:
Հանգստի մեկնողներին հուշեմ, որ առողջարանը վեր է խոյանում լեռան լանջին` Երևանից գնալիս Մարմարիկ գետի ձախ ափին: Աջ կողմում մի քանի հինգհարկանի շենքեր են և առողջարանի ցուցանակը: Բլեյան Արթուրին ասեմ, որ գետում ձուկ կա, հանգիստ կարող է ձկնորսությամբ զբաղվել: Մեկնողներին բարի հանգիստ:
Թամար Ղահրամանյան
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
