Արդեն երրորդ օրն է, ինչ այցելում ենք << Արաբկիր>> բժշկական համալիր` մանկական սուրդոկենտրոն, որտեղ լսողության խանգարում ունեցող երեխաների հետ անց են կացվում անհատական և խմբային բաց պարապմունքներ, ինչպես կենտրոնի մասնագետների, այնպես էլ ծնողների կողմից:
Հատկապես շատ ոգևորիչ էր ծնողների կողմից իրականացվող պարապմունքները, որոնց անմիջական մասնակցությամբ շտկողական աշխատանքները դառնում են էլ ավելի արդյունավետ և արագ հաղթահարելի:
Յուրաքանչյուր պարապմունքից հետո տեղի են ունենում քննարկումներ, ինչպես մասնակիցների, այնպես էլ, մեզ արդեն հարազատ դարձած, շվեյցարացի սուրդոմանկավարժ-լոգոպեդ Հայդի Հելդշթաբի կողմից:
Իսկ արդեն վերջում, Հայդի Հելդշթաբը մասնակիցների հետ իրականացրեց հետաքրքիր թերապիա և կիսեց սեփական դիտարկումները: