Կրթահամալիրի Մեդիակենտրոնում հավաքվել են մանկապարտեզների տնօրեններ Երևան քաղաքի 4 վարչական շրջաններից` Կենտրոն, Դավթաշեն, Շենգավիթ, Մալաթիա–Սեբաստիա:
Նրանց ներկայացվեց օրվա աշխատանքի և համագործակցության ծրագրերը: Հիմնական դպրոցի ղեկավար Սրբուհի Աղաբայանը ներկայացրեց նախադպրոցականի խնամքի և զարգացման նոր մոդել միջավայրը, պայմանները: Հետաքրքրված տնօրեններին մեդիագրադարանի մասնագետ Զարուհի Առաքելյանը ցույց տվեց կրթահամալիրի կայքը` որպես արագ և հավաստի տեղեկատվություն ստանալու միջոց, «Դպիր» ու «Պարտեզ» ամսագրերը, կրթահամալիրի կրտսեր դպրոցների կայքէջերն ու նախակրթարանների պայմանները: Քաղաքապետարանի կողմից ընտրված 12 մանկապարտեզների հետ կրթահամալիրն իրականացնելու է նոր մոդելի ստեղծումը համայնքային մանկապարտեզներում:Սկսվեց շահագրգիռ քննարկում. տնօրենները բարձրացրին իրենց հուզող հարցերը: Քննարկման արդյունքում պայմանավորվեցինք, որ տնօրենների հետ հաջորդ կհանդիպումը կլինի մայիսի 8-ին, ժ. 15:00, կրթահամալիրի մեդիակենտրոնում, իսկ մոդել խմբերում աշխատող դաստիարակները կմասնակցեն կրթահամալիրի «Պարտեզային կրթության» բաց սեմինա-պարապմունքներին: Սեմինարի մասնակից 12 տնօրեններ այցելեցին Գեղարվեստի կրտսեր դպրոց` կրթահամալիրի առաջարկվող նախակրթարանի նոր մոդել-միջավայրին ծանոթանալու: