Գարուն, ջերմացնող արև, ծաղկած ծառեր, թռչունների ուրախ դայլայլ ու հաճելի եղանակ, որը քեզ ստիպում է դուրս թռչել ու վայելել այն: Ինքս շատ եմ սիրում զբոսնել, երբ հատկապես արևոտ ու հաճելի եղանակ է լինում: Բայց քայլելիս ինչքան էլ տարվես խոսակցությամբ կամ մի այլ բանով, հնարավոր չէ չնկատել փողոցների աղտոտվածությունը: Ո՞վ չի ցանկանա քայլել մաքուր, գեղեցիկ փողոցներով, որ ոտքիդ տակ ոչինչ չընկնի, ու հաճույք ստանաս քո զբոսանքից: Ինչքա՜ն գեղեցիկ են գարնան կանաչ երանգները, ծաղկած ծիրանենիների անուշաբույր ծաղիկները, անգամ ափսոսում ես ձեռքով դիպչել նրանց, որ հանկարծ չպոկվեն: Այսքան գեղեցկությամբ լի մեր քաղաքում աղտոտվածությունը ցավալի թերություններից մեկն է: Շատ կցանկանայի, որ բոլորը հետևեին քաղաքի մաքրությանը, որ յուրաքանչյուր ոք, իր աղբը գետնին գցելու փոխարեն, նետի հատկացված աղբամանները, չէ՞որ ամեն քայլափոխին կարող ենք հանդիպել աղբամանների, որոնցից, ցավոք, քչերն են օգտվում: Հույսով եմ` կգա մի օր, երբ աղտոտվածությանը վերջ կդրվի, ու լիովին կվայելենք գարնանային և ոչ միայն գարնանային զբոսանքը մեր քաղաքի մաքուր, գեղեցիկ փողոցներում:
Սուսաննա Չալիկյան, 9-2 դասարան
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
