Այսօր Մեդիաընթերցասրահում հավաքվել էին Գարդենիա ակումբի հիմնադիրներն ու մասնակիցները: Չնայած ակումբի գաղափարը առաջացել է ամիսներ առաջ, բայց առաջին և որոշիչ հանդիպումը կայացավ այսօր` 20.04.2012թ.: Այս հանդիպումը շատ որոշիչ դեր ուներ ակումբի համար: Գարդենիան համալրվեց բուսասեր և շատ հետաքրքիր անձնավորություններով: Մեզ միացան «Մխիթար Սեբաստացի» կրթահամալիրի` Գեղարվեստի ավագ դպրոցի սաներ Ազատյան Քրիստինեն և Բեգինյան Մարիամը, Մեդիակենտրոնի տնօրենն ու Մեդիաընթերցասրահի ղեկավարը: Քննարկվեց Gardenia.do.am-ի դիզայնը և էջերի բովանդակությունը, որտեղ պարբերաբար կտեղադրվեն հետաքրքիր նյութեր բույսերի ու ծաղիկների մասին, ինչպես նաև նորություններ ակումբի գործունեությունից: Պարզեցինք ակումբի յուրաքանչյուր անդամի պարտականությունն ու գործունեությունը: Բոլորն էլ խոստացան ակտիվ մասնակցել և ամեն հնարավոր ձևով ակտիվացնել ու հետաքրքրացնել ակումբի գործունեությունը: Ակումբն արդեն ունի աշխատանքների ժամատախտակ և մեդիաընթերցասրահում հարմար անկյուն: Ի դեպ արդեն Մեդիակենտրոն մտնելուց էլ կզգաք բույսերի ու ակումբի շունչը: Շարունակությանն էլ կծանոթացնենք: Իսկ ովքեր ցանկանում են միանալ մեր ակումբին կարող են դիմել [email protected]: