Այսօր Մեդիակենտրոնում տեղի ունեցավ մամլո ասուլիս վրացի հյուրերի հետ: Հարցերը հնչում էին ռուսերեն և անգլերեն լեզուներով: Ներկա էին կրթահամալիրի բոլոր դպրոցների լրագրողական խմբերը:Վրացի հյուրերը մեծ հաճույքով պատասխանեցին մեր հարցերին: Նրանց շատ էր դուր եկել մեր կրթահամալիրը, մեր երկիրը, հատկապես այն,որ մեր կրթահամալիրում ամեն ինչ բաց է: Տիար Բլեյանն առաջարկեց կազմակերպել միասնական ճամբարներ, որոնց կմասնակցեն և' հայ, և' վրացի պատանիներ: Խոսեցինք նաև մեդիաօլիմպիադաների և մեր ուսումնական կայքի մասին: Երբ ավարտվեց մամլո ասուլիսը, մենք վրացի հյուրերի հետ այցելեցինք եկեղեցի, որտեղ քահանան մեզ օրհնեց: