Այսօր ժամը 14:00, Մայր դպրոցի 6-րդ լսարանում կայացավ Խաղարկային դատարանի առաջին նիստը: Քննվում էր «Ավագ դպրոց-վարժարանի սովորողներն ընդդեմ դասավանդողների» հայցը: Հայցվոր կողմը ներկայցնում էր 10-1 դասարանի աշակերտները, պատասխանող կողմը վարժարանի ուսուցիչներն էին: Հայցվոր կողմը պահանջում էր դատարանից կայացնել կոնկրետ որոշում ուշացած աշակերտների դասապրոցեսին մասնակցելու հարցի վերաբերյալ:
Դատական նիստը բաց էր, և դատարան էին եկել շատ աշակերտներ՝ դատարանի որոշումը լսելու համար:
Դատական պրոցեսը տևեց 1 ժամ, որի վերջում դատավոր Դավիթ Կարապետյանը առանձնացավ՝ որոշում ընդունելու: Դատարանի որոշման համաձայն՝ ավագ դպրոցի ղեկավարությունը պարտավոր է հրավիրել նիստ, որի ժամանակ և կկարգավորվի տվյալ հարցը, և որոշումը տեղ կգտնի կրթահամալիրի ներքին կարգապահական կանոններում:
Հայցվորների պահանջը բավարարված է: