Մայիսի 12-14-ը «Մխիթար Սեբաստացի» կրթահամալիրում անցկացվեց Հեղինակային մանկավարժության հեղինակների ամենամյա մայիսյան 6-րդ հավաքը: Այն կազմակերպվել և անցկացվել է համացանցում` mskh.am-ում, «Դպիր» էլեկտրոնային մանկավարժական ամսագրում, որի 40-րդ համարում տեղադրված վրացերեն, ռուսերեն, անգլերեն նյութերի միջոցով քննարկումներին կարող են մասնակցել արտերկրի մեր գործընկերները:
Հավաքի օրերին ներկայացվեց նաև կրթահամալիրի նոր INFO.MSKH լրատվական ծառայությունը, որը ակտիվ լուսաբանեց հավաքի աշխատանքները:
Հավաքի օրերին կրթահամալիր այցելեցին այստեղ կազմակերպվող մեդիահանրակրթությամբ հետաքրքրվող անհատներ, խմբեր` ՀՀ ԿԳՆ կրթության պետական տեսչությունից, Լեզվի պետական տեսչությունից, Լոռու, Վանաձորի, Գեղարքունիքի, Ծաղկունքի, Արցախի դպրոցներից, «Անանիա Շիրակացի» ճեմարանից, ծնողներ, լրագրողներ: Հյուրերը ծանոթացան մեդիահանրակրթության կազմակերպմանը կրտսեր և միջին դպրոցներում, մասնակցեցին ծրագրով նախատեսված շնորհանդեսներին, քննարկումներին:
Քննարկումները կազմակերպվեցին կրթահամալիրի Մեդիակենտրոնում, որը Unicomp ֆիրմայի օգնությամբ արդեն անլար ինտերնետային տարածք է, և հավաքի օրերին ներկայացավ որպես համայնքի և քաղաքի սովորողների, ուսուցիչների,ընթերցողներիհամար եզակի մեդիաընթերցարան:
Ստեղծագործական հավաքի ամփոփումը մայիսի 14-ին էր: Մասնակիցները ներկայացրեցին իրենց դիտարկումները, տպավորությունները, ծանոթացան մեդիակենտրոնի ամառային աշխատանքի ծրագրին: Մայիսի 20-ին մեդիակենտրոնում նախատեսվում է կրթահամալիրի ընդունելության, կրթահամալիրի դպրոցների ներկայացումը: