Յուրաքանչյուր մարդ ձգտում է ազատության` ցանկանալով դառնալ ավելի ինքնուրույն և անկախ: Ազատության ձգտող մարդիկ հիմնականում նրանք են, ովքեր ունեն բարդույթներ և կախված են ուրիշի կարծիքից: Ամեն մարդ յուրովի է հասկանում ազատությունը: Մարդիկ երբեմն շփոթում են ազատությունը և սանձարձակությունը` հաճախ չտարբերելով դրանք միմիանցից: Մեր հասարակությունում քիչ չեն հանդիպում այդպիսի մարդիկ, որոնք շփոթում են ազատությունը վատ պահվածքի հետ: Իմ կարծիքով այդպիսի մարդիկ հիմնականում լինում են նրանք, ովքեր այդ կերպով ցանկանում են ինքնահաստատվել և դրսևորվել շրջապատում:
Կարծում եմ, որ չկան լիովին ազատ մարդիկ, քանի որ կյանքի բոլոր փուլերում և իրավիճակներում մենք միշտ կախված ենք լինում մեկի կարծիքից կամ որոշ դեպքերից: Ազատությունն ունի իր սահմանները: Մարդը ծնված օրից ազատ է, սակայն` օրենքի սահմաններում:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
