Առաջին փուլ. այս փուլին կարող են մասնակցել 7-րդ և 8-րդ դասարանների սովորողները:
Երկրորդ փուլ. այս փուլին մասնակցում են 9-րդ և 10-րդ դասարանների սովորողները:
Երրորդ փուլ. այս փուլին մասնակցում են 11-րդ և 12-րդ դասարանների սովորողները/երրորդ փուլում տեղի կունենա նաև մրցաշարի փակումը և մրցանակների հանձնումը/:
Մրցաշարի կարգ
ա. Յուրաքանչյուր թիմ ունենում է վեց խաղացող և երկու փոխարինող/փոխարինողների առկայությունը պարտադի չէ/:
բ. Յուրաքանչյուր խաղի ժամանակ հնչում է քսանչորս հարց: Ութ հարցից հետո հայտարարվում է փուլային ընդմիջում: Ընդմիջումների ժամանակ կարող են ցուցադրվել պարային, երաժշտական համարներ
գ. Յուրաքանչյուր խաղի ժամանակ հնչում է մեկական հարց, որին մասնակցում են միայն թիմերի ավագները:
դ. Խաղային ծրագրում ներառված է լինում խաղ-քաոս: Խաղ-քաոսները կարող են լինել կոնկրետ ուսումնական փաթեթների վերաբերյալ, համապատասխան ուսումնական կենտրոնների առաջարկների հիման վրա:
ե. Հաղթող է ճանաչվում այն թիմը, որը վաստակում է առավել միավորներ: Հավասար միավորների առկայության դեպքում, հաշվի են առնվում, ավագների խաղում վաստակած միավորները, իսկ եթե այս դեպքում ևս հավասար է, ապա կիրառվում է ռեյտինգային միավորների հաշվարկման սկզբունքը:
զ. Թիմերը, հարցերի վերաբերյալ բողոքարկումներ կարող են ներկայացնել միայն խաղից հետո, թիմի ավագի, կամ թիմի ավագի կողմից լիազորված մասնակցի միջոցով:
Հավելված.
7-րդ և 8-րդ դասարանների սովորողների խաղը կարող է վարել իներորդ դասարանի սովորող. 9-րդ և 10-րդ դասարանների սովորողների խաղը կարող է վարել 12-րդ դասարանի սովորող, իսկ բարձր դասարանների խաղը կվարեմ ես` Վահրամ Թոքմաջյանս:
Յուրաքանչյուր խաղի ժամանակ կազմակերպվում է հաշվիչ հանձնաժողով, մեկ դասավանդողից և երկու սովորողից:
Մրցաշարին կարող են հարցեր ուղարկել ինչպես դասավանդողները, այնպես էլ սովորողները: Հարցեր ուղարկողները, պարտադիր հրապարակում են աղբյուրը, որից օգտվել են:
Մրցաշարն անցկացվում է Բռեյն-ռինգ և էրուդիտ լոտո խաղերի հիման վրա:
Մրցաշարը չունի թեմատիկ բովանդակություն:
Մրցաշարի նախապատրաստական փուլում, կազմակերպչական աշխատանքների գործընթացում, հարկ է ներգրավել ՏՀՏ դասավանդող մասնագետներին, և մեդիա հմտություններին առավել լավ տիրապետող սովորողներին:
Այս մրցաշարի հիմքում ընկած է երեք հիմնական սկզբունք` Գիտելիք, Տրամաբանություն, Արագ մտածելու կարողություն
Հարգանքներով`
«Մխիթար Սեբաստացի» կրթահամալիրի «Գիտակների ակումբի» ղեկավար` Վահրամ Թոքմաջյան: