Կրթահամալիրի սովորական դարձած արշավային եռուզեռի գլխավոր դերում այսօր Թռչկանի ջրվեժն էր:
Յուրաքանչյուր արշավի նման` այսօր նույնպես Մայր դպրոցից շարժվեցինք առավոտյան ժամը 09:00-ին` 2 ավտոբուսով, անձնակազմում` 40 հոգի:
Անհամբեր սպասում էի Թռչկանի հետ իմ հանդիպմանը: Ճանապարհին դժվարությունների, իհարկե, հանդիպեցինք. սարեր, ձորեր, խորդուբորդ ճանապարհներ… Բայց նույնիսկ դժվարությունները գեղեցիկ էին:
Ես Թռչկանին պատկերացնում էի ավելի փոքր չափսերով, չնայած նկարներով ու ֆիլմերով տեսել էի: Երբ տեսա իմ աչքերով, ջրվեժն իր բարձրությամբ ու շռինդով հաճելի գլխապտույտ առաջացրեց: Մոռացանք, որ ցուրտ է, մոռացանք, որ նույնիսկ չենք տեղեկացրել մեր ծնողներին, որ տեղ ենք հասել. բջջային հեռախոսներն այնտեղ չէին աշխատում: Ու տրվեցինք երանությանը, երևակայությանը…
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
