Այսօր մեր կրթահաամալիրում հյուրընկալվել էին Ծաղկունք գյուղի Հ.Թումանյանի անվան դպրոցի 3-րդ և 4-րդ դասարաններում սովորող երեխաները, ուսուցիչներն ու ծնողները: Առաջին անսովոր զգացողությունը, որ մենք ունեցանք, երեխաներին սև ու սպիտակ համազգեստով տեսնելն էր: Կարծում եմ` դա կաշկանդում էր երեխաներին: Մենք սիրով դիմավորեցինք նրանց. հավաքվեցինք Մարմարյա սրահում, երգեցինք, պարեցինք, հետո ուղեկցեցինք կրթահամալիրի երկու կրտսեր դպրոցներ: Մենք`infomskh-ի լրագրողներս, բաժանվեցինք երկու խմբի` մի խումբը գնաց դեպի Նոր դպրոց, իսկ մյուսը` դպրոց-պարտեզ: Մեր խումբը 3-րդ դասարանցիներին ուղեկցեց Բ-4 թաղամասում գտնվող դպրոց-պարտեզ: Այնտեղ նրանց ծանոթացրինք դպրոցի միջավայրին, հետո նրանք միացան մեր 3-րդցիներին ու միասին էլեկտրոնային գրատախտակի օգնությամբ դաս անցկացրին: Քանի որ մեր 3-րդ դասարանցի հյուրերը շատ ամաչկոտ էին, չկարողացանք հարցազրույց վերցնել: Մի քանիսը չցանկացան պատասխանել հարցերին, իսկ մյուսները ընդամենը գլխի շարժումներով էին պատասխանում: Բայց ոչինչ. Նոր դպրոց գնացած խմբին դա հաջողվեց: Վերջում նորից հավաքվեցինք Մայր դպրոցում: Մեր հյուրերը հասցրեցին նաև լինել մեծ մարզադահլիճում ու մի լավ վազվզել: Նրանց շատ էր դուր եկել մեր դպրոցը: Հուսով ենք, որ նրանց այսօրը շատ հետաքրքիր ու տպավորություններով լի օր էր: