Նոր հանդիպում, նոր ծանոթություններ, նոր ընկերներ, իսպաներեն լեզվի գործածում ու այս ամենը շատ ջերմ ևհաճելի մթնոլորտում: Այսօր կրթահամալիրի մի խումբ սովորողներով ընկեր Արմինեի և ընկեր Ալինայի գլխավորությամբ ուղևորվեցինք Էռնեկյանի խաղողի այգիներ, որտեղ էլ հանդիպեցինք և ճաշելու հետ միաժամանակ ծանոթացանք Արգենտինայից ժամանած մեր հասակակիցների հետ: Սկզբից մի փոքր դժվարությամբ սկսեցինք իրար հետ շփվել, բայց զրույցի ընթացքում մտերմացանք և սկսեցինք ավելի ազատ ու անկաշկանդ խոսել ու կատակել: Ընթացքում մենք նրանց սովորեցնում էինք հայերեն ու ավելի զարգացնում մեր իսպաներենը: Ծանոթացումն ու հյուրասիրությունն ավարտվեցին ընդհանուր նկարներ անելով, որից հետո մենք նրանց ուղեկցեցինք Օշական: Այստեղ ընկեր Արմինեն նրանց պատմեց եկեղեցու մասին: Չմոռանամ նաև նշել, որ ստացանք սեպտեմբերի 16-ի մեր հրավիրատոմսերը: Այսպիսով արգենտինացիների հետ մեր հաջորդ հանդիպումը տեղի կունենա կրթահամալիրում, որից հետո մենք կգնանք Զվարթնոց օդանավակայանի նոր սպասասրահի բացմանը:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
