«Թբիլիսի-Երևան մշակութային համագործակցություն» նախագծով Թբիլիսիի թիվ 1 արվեստի դպրոցի սովորողներիև ուսուցիչների խումբը (10 սովորող, 8 ուսուցիչ) նոյեմբերի 30-ից դեկտեմբերի 4-ը հյուրընկալվելու է կրթահամալիրում (հավելված 1): Ընդունելությունը պատշաճ կազմակերպելու նպատակով.
- Խմբի ընդունելության պատասխանատու ճանաչել Լուսինե Մանուկյանին, հյուրընկալման պատասխանատու` Գայանե Առաքելյանին, Ռինա Շագինյանին, Գեղարվեստի ավագ դպրոցի և վրացերենի ակումբի սովորողներին.
- խմբի գիշերումը կազմակերպել կրթահամալիրի կրթական փոխանակումների կենտրոնի Դպրոց-պարտեզի կացարանում. պատասխանատու՝ Տաթև Բլեյան.
- հաստատել Լուսինե Մանուկյանի ներկայացրած ընդունելության ծրագիրը (հավելված 2)․
- սնունդը՝ նախաճաշը և ընթրիքը, յուրաքանչյուրին 300 դրամի չափով (Դպրոց-պարտեզում), ճաշ՝ յուրաքանչյուրին 500 դրամի չափով (Գեղարվեստի դպրոցում).
- հրամանին անհատապես ծանոթացնել ընդունելության բոլոր պատասխանատուներին։
Կրթահամալիրի տնօրեն՝ Ա. Բլեյան