«Մխիթար Սեբաստացի» կրթահամալիրի (այսուհետ՝ կրթահամալիր) ավագ դպրոց վարժարանի (այսուհետ՝ դպրոց) 10-12րդ դասարնի սովորողը ( այսուհետ՝ սովորող) սահմանված կարգով դպրոցի հետ պայմանագիր կնքած սովորողն է, ով.
- ունի բավարար առողջություն՝ դասերից չբացակայելու, պարտիզպանական աշխատանք կատարելու, ուսումնական և հայրենագիտական ճամփորդություններին, ճամբարներին մասնակցելու համար (հատուկ պայմանների կարիք ունեցողների համար ապահովվում են համապատասխան պայմանները).
- ունի սահմանված պահանջներին բավարարող անձնական նոթբուք (նեթբուք). դասին ներկայանում, տանը և դպրոցում օգտագործում է դա.
- գիտի և օգտագործում է սովորողի համար կրթահամալիրում որոշված համակարգչային ծրագրերը.
- ունի ուսումնական բլոգ (անձնական կայք) և ուսումնական գործում այն կիրառում է սահմանված կարգին համապատասխան.
- կատարում է ուսումնական դասընթացների ծրագրերով նախատեսված նախագծերը.
- մասնակցում է դպրոցի սովորողների ինքնակառավարման աշխատանքներին.
- ընտրում և մարզվում է որևէ մարզական ակումբում.
- ընտրում և մասնակցում է կրթահամալիրի որևէ ակումբի աշխատանքին:
11-12-րդ դասարանցիների հետ ուսումնառության պայմանագիրը շարունակվում է, եթե սովորողը չունի ակադեմիական և ֆինանսական պարտք, ունի և ուսումնական նպատակների համար օգտագործում է ուսումնական բլոգը, ներկայացնում է կրթահամալիրում (ֆիզիկական և մեդիա) իր կատարած աշխատանքները, ինչով համոզում է իր կապվածությունը կրթահամալիրին: Այս դասարաններ նոր ընդունվողների համար տրվում երկու ամիս ժամանակ, ներկայացվող պայմաններին համապատասխանելու համար:
10-րդ դասարան ընդունվողներին մեկ կիսամյակ ժամանակ է տրվում նշված պայմաններին համապատասխանելու համար: