Հարգելի գործընկերներ, կրթահամալիրում իրականացվող հեղինակային կրթական ծրագրի մշակման այս փուլի առաջնահերթ խնդիրը կրթահամալիրի, դպրոցի, դասարանի, խմբի, սովորողի ուսումնական գործունեության, ուսումնական պարապմունքի արդյունավետության գնահատման էլեկտրոնային համակարգի ամբողջացումն է, որը որոշված է կրթահամալիրի զարգացման ծրագրով, «Փորձարարական մանկավարժության ծրագրերի իրականացում հանրակրթությունում» 2012թ. ծրագրով։
Հոկտեմբերի 23-24-ին, ըստ կրթական ծրագրերի, կրթահամալիրի դասավանդողներն անդրադարձել են էլեկտրոնային գնահատման հարցերին` լրացնելու համար էլեկտրոնային գնահատման կարգը.
- ինչպես տեսանելի դարձնել սովորողի ուսումնական ջանքերը, ուսումնական աշխատանքի արդյունքները, գնահատել առաջադիմությունը.
- դասավանդողը, որպես դիտարկող-ուսումնասիրող, որտեղ, ինչ պարբերականությամբ պետք է նշումներ անի սովորողի ուսումնական աշխատանքի և նրա զարգացման կամ խնդիրների մասին.
- էլեկտրոնային գնահատման մեջ ինչն է լրացնելու սովորողը, ինչը` դասավանդողը, ինչը` գրասենյակի ղեկավարը, ինչը` դպրոցի ղեկավարը, ինչը` գնահատման ծառայության ղեկավարը.
- երբ և ինչպես, ինչ պարբերականությամբ են հավաքվում տվյալները (գնահատումը).
- ինչպես պետք է մատչելի դառնան այդ տեղեկությունները ծնողի համար։
Անհրաժեշտ է նաև անդրադառնալ նախորդ կիսամյակում փորձարկված փաստաթղթերին` կիրառման արդյունքում առաջարկելով փոփոխություններ և լրացումներ.
Կրթահամալիրի գնահատման ծառայությունը լրացնում է դասավանդողի աշխատաժամանակի կառուցվածքի նմուշը` 33 ժամի համար գրանցելով միայն ուսումնական պարապմունքը և դրա անմիջական սպասարկումը`
- Ուսումնական պարապմունքներ
- Սպասարկման ժամանակը
- Ուսումնական պարապմունքի ծրագրում, ուսումնական նյութերի ընտրություն կամ ստեղծում (բլոգի վարում)
- Ուսումնական պարապմունքի ծրագրի հրապարակում
- Ուսումնական պարապմունքի արդյունավետության գնահատում (էլեկտրոնային գնահատման մատյան)
- Սովորողների ուսումնական աշխատանքի արդյունքների դիտում, գնահատում (էլեկտրոնային գնահատման մատյան)
- Կրթական ծրագրի ամենշաբաթյա սեմինար
- Առավոտյան ընդհանուր պարապմունք և ընդհանուր մեդիապարապմունք
- Ծնողների հետ հանդիպում