Այսօր «Դասարան անիվների վրա» կրթահամալիրյան նախագիծը իրականցվեց համերաշխության մակարդակով՝ Միջին+Վարժարան+Արհեստագործական՝ Կրթահամալիր+Ընտանիք: Որոշեցինք գնալ Ավան՝ Աճառյան 20 շենքի բակում հավաքված խաղում էին մի խումբ երեխաներ: Ընդամենը հասցրեցինք գրքերը տեղավորել բակի նստարանի վրա և կախեցինք mskh-ի փոքրիկ պաստառը, երբ անմիջապես երեխաներով շրջապատվեցինք: Երեխաները գրքերը իրար ձեռքից էին խլում, մոտեցան նաև պատուհանից նայող ծնողներ: Եվ 5 րոպե չանցած 175 կտոր գիրքը արդեն հավաքվածների ձեռքերում էր: Չեմ կարծում, որ այդքան գրքասեր ու կարդացող փոքրիկներ կային այդ բակում, երևի նրանց հրապուրել էր նվիրատվությունը: Քչերը գիտեին «Մխիթար Սեբաստացի» կրթահամլիրի մասին, բայց Բլեյանի դպրոցի մասին գիտեին բոլորը: Մեր դպրոցի մասին եղան և՛ դրական, և՛ բացասական արտահայտություններ: Բայց, երբ ներկայացրեցինք դպրոցն իր ծրագրերով, կատարված և կատարվող աշխատանքներով՝ զարմացած և հիացած հայացքների հանդիպեցինք: Համոզված ենք, որ mskh-ը իր ձգողականությամբ կհետաքրքրի շատ-շատերին:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
