«Ես սիրում եմ Վրաստանը և Հայաստանը».- այսպես էին սկսել վրացի երեխաները իրենց տպավորությունների մասին էսսեում:
Վրացի սովորողների պատվիրակությունը Հայաստան է ժամանել երեկ: Նրանք եկան պայմանավորվածությունից մի քիչ ուշացած, բայց եկան: Նրանք սեբաստացիների հետ երեկոյան շրջեցին Երևանում, տեսան գիշերային մեր քաղաքը:
Իսկ այսօր առավոտյան նրանք Մարմարյա սրահում մասնակցեցին Մայր դպրոցի ընդհանուր պարապմունքին:
«Տիգրան Հայրապետյան» գրադարանում հայ ու վրացի սովորողներն անցկացրին վրացերենի բաց դաս: Վրացերենի խորացված ուսուցման խումբը ընկեր Ռինայի հետ նախ և առաջ վրացերեն ներկայացրեց կրթահամալիրի կայքի վրացերեն բաժինը, կրթահամալիրը:
Վրացի պատանիների համար ընկեր Ռինան հանձնարարություն էր պատրաստել՝ գրել էսսե Հայաստան իրենց այցելության մասին: Նրանց էսսեները տեղադրվելու են մեր կայքի վրացերեն բաժնում:
Մարմարյա սրահում ֆոտոցուցադրության նկարների տակ իրենց գրառումներն անելուց հետո վրացիները որոշեցին տեսնել մեր մարզասրահը: Նրանք փորձարկեցին մեր բատուտները, օղակները: Հետո միասին մեկնեցինք Վաղարշապատ ու Սուրբ Էջմիածին: