Հեղինակային կրթական ծրագրի հեղինակների ստեղծագործական հավաք

Հարգելի բարեկամ

«Մխիթար Սեբաստացի» կրթահամալիրը հրավիրում է մասնակցելու հեղինակային կրթական ծրագրի հեղինակների ամենամյա 18-րդ ստեղծագործական հավաքին:

Մայիսի 2-26-ը կրթահամալիրի նախակրթարաններում, դպրոցներում, Քոլեջում, ուսումնական կենտրոններում, մանկավարժական լաբորատորիաներում բաց ստուգատես է՝ «Նորարարական մանկավարժության ծրագրերի իրականացում հանրակրթությունում» ծրագրի 2023 թ. աշխատանքներով, կրթահամալիրի ուսումնական օրացույցով:

Հավաքին ներկայանում են «Բլեյան» կրթական բաց ցանցի մանկավարժական աշխատողները, խմբերը, սովորողները։

Ձեր ընտրությամբ կարող եք մասնակցել ստեղծագործական հավաքի բաց պարապմունքներին, կլոր սեղաններին։

Հրավերներին հետևեք հավաքի աշխատակարգում, օրացույցում։

Հավաքին միանալու համար անհրաժեշտ է գրանցվել:

Հավաքի ընթացքի մասին լուսաբանումները, արդյունքները՝  mskh.am-ում, հավաքի բլոգում, «Դպիր» մանկավարժական հանդեսում, ուսումնական բլոգներում, սոցցանցում։

Հավաքին մասնակից խմբերը կարող են օգտվել նաև կրթահամալիրի կրթական կացարաններից՝ նախապես հայտում լրացնելով համապատասխան տողը։