ՀՐԱՄԱՆ N 15-001
08.01.2015թ.
Վրաստանի Թբիլիսի քաղաքի թթ․ 118, 119, 120, 167, 132 դպրոցների ուսուցիչների և սովորողների 49 հոգիանոց խումբը (ցուցակը կցվում է) Վրաստանի հանրակրթական հաստատությունների հետ իրականացվող «Հայ-վրացական հանրակրթական կամուրջներ» ծրագրով Վրաստանի կրթության և գիտության աշխատողների ազատ արհմիության նախաձեռնությամբ և աջակցությամբ հունվարի 11-14-ը լինելու է Երևանում, հյուրընկալվելու է կրթահամալիրում՝ ծանոթանալու կրթահամալիրում իրականացվող հեղինակային կրթական ծրագրերին, Հայաստանի պատմա-մշակութային վայրերին: Ընդունելությունը կազմակերպելու նպատակով.
- ընդունելության համակարգող ճանաչել Առնոլդ Բլեյանին, օգնական՝ Ռինա Շագինյան, Հռիփսիմե Առաքելյան.
- Առնոլդ Բլեյանին, Հռիփսիմե Առաքելյանին, Ռինա Շագինյանին՝ հունվարի 11-ին հյուրերին դիմավորել հայ-վրացական սահմանին՝ ապահովելով ուղեկցումը և մինչև կրթահամալիր ճանապարհը դարձնելով հայրենագիտական.
- ընդունելությունը կրթահամալիրի վրացախոսների ակումբների համար համարել ուսումնական աշխատանք.
- ձևավորել աշխատանքային-մասնագիտական խմբեր (հավելված 1).
- հավելված 1-ում նշված խմբերի ղեկավարները մինչև 2015թ. հունվարի 11-ը իրենց բլոգում հրապարակեն եռօրյա աշխատանքային ծրագիր, կից նյութեր.
- Ռինա Շագինյանին և վրացախոսների ակումբներին՝ կազմել վրացի սովորողների հետ իրականացվող գործունեության եռօրյա (ժամը 09:00- 14:00) ծրագիր.
- Մասնակիցների գիշերումը կազմակերպել կրթահամալիրի կրթական փոխանակումների կենտրոնի՝ Դպրոց-պարտեզի, Հիմնական դպրոցի, Գեղարվեստի դպրոցի կացարաններում. պատասխանատու՝ Տաթև Բլեյան, Գոհար Բալջյան, Գայանե Առաքելյան.
- 11 սովորող (աղջիկներ), 6 դասավանդող (կանայք)՝ Հիմնական դպրոցում
- 8 դասավանդող (կին)՝ Գեղարվեստի դպրոցում
- 19 դասավանդող (3 տղամարդ և 16 կին), 4 սովորող (տղա), վարորդը (տղամարդ) Դպրոց պարտեզում
- ընդունել ի գիտություն Նաիրա Նիկողոսյանի, Առնոլդ Բլեյանի կազմած ընդունելության ծրագիրը (հավելված 2).
- սնունդը կազմակերպել.
- նախաճաշը և ընթրիքը՝ յուրաքանչյուրին 300-ական դրամի չափով, Դպրոց-պարտեզի, Հիմնական դպրոցի, Գեղարվեստի դպրոցի խոհանոցներում,
- ճաշը` 500-ական դրամի չափով, հունվարի 12-ին՝ Գեղարվեստի, հունվարի 13-ին՝ Նոր դպրոցի խոհանոցներում.
- հրամանին անհատապես ծանոթացնել ընդունելության բոլոր պատասխանատուներին։
Կրթահամալիրի տնօրեն` Ա. Բլեյան