Նկարագրություն:
Հոկտեմբերի 24-ին Սուրբ Երրորդություն եկեղեցու մոտից «Սեբաստացիներ» երգչախումբը մեկնեց Տավուշի մարզ: Հոգևոր երգեր հնչեցին Գոշավանքում՝ ի հիշատակ Հովհաննես Շարամբեյանի, և Մակարավանքում՝ ի հիշատակ Սարո Սարուխանյանի: Երեկոյան երգչախումբը ելույթ ունեցավ Իջևանի Սուրբ Աստվածածին եկեղեցում: Մյուս օրը՝ հոկտեմբերի 25-ին, հոգևոր երգեր հնչեցին Խաշթառաք գյուղի նորաբաց Ս. Դավիթ եկեղեցում: «Սեբաստացիներ» երգչախումբը մասնակցեց Իջևանի արվեստի փառատոնին՝ տոնական տրամադրություն փոխանցելով հանդիսատեսին:
Շնորհակալություն հոգևոր երգի ու Կոմիտասի, աշնանային գույների ու սիրուն օրերի համար:
