Նկարագրություն:
Հոկտեմբերի 1-ին՝ ժամը 15.30, Դիջիթեք Էքսպո 2016-ի շրջանակում ՏՀՏ ոլորտում նոր համագործակցություններ ձեռք բերելու նպատակով կրթահամալիրի աշխատանքային խմբերը Մերգելյան ինստիտուտի կոնֆերասների դահլիճ-սրահում ասուլիս էին հրավիրել: Կրթահամալիրի խմբերը նախապես եղել էին էքսպոյի տաղավարներում, ծանոթացել առաջարկվող ծառայություններին, իրենց հետաքրքրած կազմակերպություններին հրավիրել ասուլիսին: Մասնակցում էին Esterox, T.Solutions, ԱրմԱթ (ԻՏՁՄ), Lazertag Armeni, AugmentAr ընկերությունների պատասխանատուները, ներկայացուցիչները: Հակիրճ ներկայացվեց կրթահամալիրը, ամենամյա Հանրակրթական Դիջիթեքը, որից հետո կամակերպությունները ներկայացրին կրթական ոլորտում իրենց կողմից իրականացվող ծրագրերը, դրանց հեռանկարները, պատասխանեցին սովորողների հարցերին: Ասուլիսը տևեց մեկ ժամ, եղան ընկերություններ, որոնք ժամանակի սղության պատճառով չկարողացան ներկայանալ. պայմանավորվեցինք հանդիպումը տեղափոխել կրթահամալիր:
