Շինությունների հիգիենիկ պայմանների ապահովումը
Շինությունները` բնակարան, դասասենյակ, աշխատասենյակ,և այլն, պետք է լինեն
Շինությունների կարևոր հիգիենիկ պահանջներից է բնական և արհեստական լուսավորվածությունը:
Հատկապես կարևոր է արևի ճառագայթների ներթափանցումը բնակելի տարածք, քանի որ նրանք ապահովում են ոչ միայն լուսավորման բարենպաստ պայմաններ, այլև ունեն մանրէասպսն հատկություն, ամրապնդում են առողջությունը, կանխում որոշ հիվանդությունների առաջացումը:Բնական լուսավորվածության կարևոր պայմանը պատուհանների ապակիների մաքրության պահպանումն է:
Մյուս կարևոր պահանջը շինությունների միկրոկլիման է` նորմալ ջերմաստիճանի և խոնավության պահպանումը:
Ձմռանը օդի ամենաբարենպաստ ջերմաստիճանը բնակելի տներում համարվում է 18-20 աստ.:
Կարևոր է նաև օդի նորմալ խոնավության պահպանումը:
Օդի չափազանց չորացումից խուսափելու համար անհրաժեշտ է սենյակում տեղադրել բույսեր, իսկ ջեռուցման աղբյուրի մոտ` ջրով անոթ:
Պետք է պարբերաբար օդափոխել սենյակները` բացելով պատուհանը, օդանցքը կամ դուռը:
Փակ տարածքներում ծխելը խստիվ արգելվում է :
Առողջության համար անբարենպաստ գործոն է փոշին, ուստի սենյակները, գորգերը պետք է հաճախակի մաքրել փոշեկուլով, կահույքը, հատակը, պատուհանները սրբել խոնավ շորով:
Խիստ կարևոր է սանհանգույցի մաքրության պահպանումը: Կեղտոտ սանհանգույցը տհաճ հոտի, ճանճերի, հիվանդածին մանրէների կուտակման և վարակիչ հիվանդությունների ` դիզենտերիա, սալմոնելյոզ, դեղնախտ, տարածման աղբյուր է հանդիսանում: Անհրաժեշտ է սանհանգույցը հաճախակի մաքրել հատուկ լվացող հեղուկներով:
Չափազանց կարևոր է ճանճերի, կրծողների դեմ պայքարը, քանի որ դրանք վարակիչ հիվանդությունների տարածողներ են:
Առողջության պահպանման համար խիստ կարևոր է նաև շրջակա միջավայրի մաքրության պահպանումն ու կանաչապատումը:
Նելլի Այվազյան
բժիշկ-առողջագետ
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
