Լիանա Առաքելյան 11-2 դասարան
Ղեկավար` Լիլիթ Թադևոսյան
Ձմեռային ճամբարն ավարտվեց, սկսվեցին ձմեռային արձակուրդներն ու ամեն մեկս անցանք ամանորյա պատրաստություններին: Ու չնայած նրան, որ բոլորն էլ տանը շատ գործ ունեն, ու պետք է օգնեն տանը տարբեր հարցերում, բայց այսօր բոլորս էլ ժամանակ գտանք ու եկանք մեր շատ սիրելի դպրոց, իսկ ավելի կոնկրետ մարմարյա սրահ` մասնակցելու ամանորյա դիմակահանդեսին:
Աղջիկների մի խմբով սկզբում հավավքեցինք գրադարանում, հետո հագանք մեր դիմակահանդեսային հանդերձանքները: Ճիշտ է ոչ բոլորն էին դիմակներ դրել, բայց առանց դիմակի էլ դժվարանում էինք շատերին ճանաչել: Ամանօրն ու այսօրվա դիմակահանդեսը ստիպել էր բոլորին գեղեցիկ զգեստներ հագնել, զուգվել ու զարդարվել: Ամենից վախենալու դիմակը Վահեինն էր, ով ամբողջ դիմակահանդեսի ժամանակ վախեցրեց ու զվարճացրեց բոլորին:
Դիմակահանդեսը սկսվեց ու ավարտվեց հիանալի ու բարձր տրամադրությամբ, միշտ պարող աշակերտներով ու ուսուցիչներով, ամբողջ դիմակահանդեսն ուղեկցող ժպտացող դեմքերով:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
