Դեռ ուսանող ժամանակ` մագիստրատուրայի 2-րդ կուրսում, մի քանի երկրաբաններով անդամագրվեցինք AAPG ամերիկյան երկրաբանական կազմակերպությունում: Այն հիմա Հայաստանում գրեթե չի գործում, բայց պատճառ հանդիսացավ, որ մենք ինքներս ձեռնարկենք մեր «ակումբային» գործունեությունը կամ յուրօրինակ summer job: Վերջինիս դեռ ամռանը կանդրադառնամ…
Ներկայումս հիդրոմելիորատիվ քոլեջի հետ իրականացնում ենք մի ծրագիր՝ «ՀՀ ջրամբարները» և արդեն մեր կայքում տեղադրել եմ նմանատիպ նյութ` «Ջրամբարների հետքերով»: Իմ ամառային աշխատանքը կրում է ազատ և անկախ բնույթ, որևէ հասարակական կազմակերպության չի պատկանում, չնայած երբեմն համագործակցում ենք, իսկ իմաստը` ՀՀ բնապահպանությունը:
Վերջին երկու տարիներն ես հիմնականում մեր խմբի տուրիզմի պատասխանատուն եմ, որը կրում է ավելի շատ էկոլոգիական բնույթ:
Մեր խմբի ամեն մի անդամ ակտիվ պայքարում է տարբեր բնույթի էկոլոգիական խնդիրների դեմ, նույնիսկ մասնակցել և պայքարել ենք հայտնի «Թեղուտի» համար: Շատ բան կարող եմ գրել, բայց նոր եմ տուն մտել ու շատ հոգնած եմ, իսկ մանրամասները հետո…
Այսօրվա մեր սեմինար-հավաքի նպատակը` կոորդինացնել մեր ամառային գործունեությունը:
Հ.Գ. Իմ ամառային աշխատանքը շատ է օգնում կրթահամալիրում իմ աշխատանքը դարձնելու ավելի հետաքրքիր ու բովանդակալից, իսկ ամռանը փորձում եմ սովորողների փոքրիկ խմբերին ծանոթացնել այն ամենի հետ, ինչն իրենց հետաքրքրությունը կշարժի: Դա է պատճառը, որ արդեն 4 տարի է կրկին փորձելու ենք ամառային ուսումնա-հետազոտական ճամբար կազմակերպել Սևանի տարածաշրջանում:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
