2017 թվականի օգոստոսի 26-ին, Ախալքալաքում ամառային համերգների շարքով հանդես եկավ Երևանի Մխիթար Սեբաստացի կրթահամալիրի նախաձեռնողական խումբը: Համերգներն ընթացան «Հոգևոր կամուրջներ» խորագրով:
Միջոցառման խորագրին համահունչ համերգի առաջին մասը կայացավ Վրաց ուղղափառ եկեղեցու Ախալքալաքի առաջնորդարանի դահլիճում։ Համերգին ներկա էին Վրաց Ուղղափառ Եկեղեցու Կումուրդոյի միտրոպոլիտ Նիկոլոզ Փաճուաշվիլին, Վիրահայոց թեմի Սամցխե-Ջավախքի և Ծալկայի ընդհանուր առաջնորդական փոխանորդ Հոգեշնորհ Տեր Բաբգէն վարդապետ Սալբիյանը, Ախալքալաքի և հարակից գյուղերի հոգևոր հովիվ Արժանապատիվ Տեր Տաթև քահանա Մարուքյանը, Վրաց եկեղեցու հոգևոր հովիվ Տեր Ալեքսանդրեն, մշակույթի ոլորտի ներկայացուցիչներ։
Համերգի մասնակցեցին ինչպես Երևանից ժամանած Շուշան Բլեյանը և Թերեզա Բեգլարյանը՝ Լիլիթ Առաքելյանի նվագակցությամբ, այնպես էլ Ջավախքից՝ Արմեն Մկոյանը և Անահիտ Ստելմաշովան։
Համերգի ավարտին Շուշան Բլեյանն իր շնորհակալությունը հայտնեց Գերաշնորհ Միտրոպոլիտ Նիկոլոզ Փաճուաշվիլիին և Հոգեշնորհ Տեր Բաբգէն վարդապետ Սալբիյանին ընդունելության և ծրագրի իրականացմանը աջակցության համար:
Հոգեշնորհ Հայր Սուրբը իր օրհնությունը հղելով ներկաներին և բարձր գնահատեց երաժիշտների հիանալի կատարումները:
Համերգի երկրորդ մասը տեղի ունեցավ Ախալքալաքի Սուրբ Խաչ եկեղեցում: Այստեղ արդեն , որտեղ Շուշան Բլեյանը և Թերեզա Բեգլարյանը հանդես եկան հոգևոր երգերի հոգեհմա կատարումներով։ Համերգին ներկա էր նաև ՀՀ ժողովրդական արտիստ Ռուբեն Մաթևոսյանը։ Վերջինս համերգի ավարտին հանդես եկավ ելույթով։
Այնուհետև Ախալքալաքի և հարակից գյուղերի հոգևոր հովիվներ Արժանապատիվ Տեր Եղիշե ավագ քահանա Հարությունյանն ու Արժանապատիվ Տեր Տաթև քահանա Մարուքյանը իրենց օրհնությունը բերեցին երիտասարդ կատարողներին և հյուրերին։
Միջոցառման ավարտին բոլորին սպասվում էր անակնկալ։ Ախալքալաքի Սուրբ Խաչ եկեղեցու բակում կազմակերպվեց ազգագրական պարերի ուսուցման դաս, որին մասնակցեցին նաև Սամցխե-Ջավախքի և Ծալկայի ընդհանուր առաջնորդական փոխանորդության պարի խումբը և Վաչիան ազգագրական պարի խումբը (գեղարվեստական ղեկավար և պարուսույց Նասլետ Քեյան)։
Սամցխե-Ջավախքի և Ծալկայի ընդհանուր առաջնորդական փոխանորդության մամլո դիվան
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
