Հարգելի գործընկեր, բարեկամ
2017թ. հունիսի այս օրերին Երևանի «Մխիթար Սեբաստացի» կրթահամալիրում գործում է մանկավարժական նորարարության ամենամյա «Բարեկամություն» բաց ճամբարը, որի մասնակիցները Հայաստանի, Արցախի, Վրաստանի՝ նորարարությամբ հետաքրքրվող մանկավարժներ են։ Ճամբարականները ծանոթանում են կրթահամալիրում իրականացվող հեղինակային կրթական ծրագրերի ձեռքբերումներին, ներկայացնում իրենց փորձը, միասին իրականացնում ուսումնական նախագծեր, երգում-պարում, քայլում Երևանում, լողում, մարզվում։ Ճամբարի լուսաբանմանը, նյութերին կարող եք ծանոթանալ mskh.am-ում, «Բարեկամություն» բլոգում, որը մինչև 2018-ի ճամբարը կգործի որպես մանկավարժական նորարարության միավորող հարթակ։ Ճամբարը կազմակերպվել է ՀՀ ԿԳՆ, Վրաստանի ԿԳՆ, կրթահամալիրի աշխատողների արհեստակցական կազմակերպության աջակցությամբ։
Հունիսի 28-ին՝ ժամը 12։00-14։00, Ձեզ սիրով հրավիրում ենք կրթահամալիր (Ա. Բաբաջանյան 25)՝ 2017թ. ճամբարի պաշտոնական փակմանը, արդյունքների հանրային ներկայացմանը, մանկավարժական նորարության փոխանցման, նորարարության տարածման նախագծերին։
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
